RSS

പുസ്തകം കത്തിക്കാനല്ല, വായിക്കാനാണു്!

29 ജൂണ്‍

കൂട്ടുകാരനോടു് പങ്കുചേര്‍ന്നു് കഞ്ചാവു് വലിക്കുമ്പോഴും, എവിടെയോ കണ്ടുകിട്ടിയ ഒരു പുസ്തകം വായിക്കണമെന്നല്ലാതെ, കത്തിക്കണമെന്നു് തോന്നാത്ത ഒരു തെരുവുബാലന്‍‍! ഉറങ്ങാന്‍ അരമനയില്ലാതെ, ഉടുക്കാന്‍ കസവുടയാടകളില്ലാതെ, ചൂഷണം ചെയ്യാന്‍ ‘വിശ്വാസിപ്പട’ ഇല്ലാതെ, തെരുവില്‍ വളര്‍ന്നു്, തെരുവില്‍ ഉറങ്ങി, കിട്ടുന്ന പണികള്‍ ചെയ്തു് പട്ടിണി മാറ്റി, ദുരിതവും കഷ്ടപ്പാടും മറക്കാന്‍ കഞ്ചാവിലും, മയക്കുമരുന്നുകളിലും അഭയം തേടുമ്പോഴും ഒരു പുസ്തകം വായിക്കാനുള്ളതാണു്, കത്തിക്കാനുള്ളതല്ല എന്നു് മറക്കാത്തവര്‍! ‘പ്രബുദ്ധകേരളത്തിലെ’ പ്രമാണിമാര്‍ ഇതൊന്നും കണ്ടാല്‍ ലജ്ജിക്കുകയില്ല. കാരണം, ലജ്ജിക്കണമെങ്കില്‍ ലജ്ജ എന്നൊന്നു് ഉണ്ടായിരിക്കണം. അതുണ്ടായിരുന്നെങ്കില്‍ അവര്‍ക്കു് കണ്ണാടിയില്‍ നോക്കാന്‍ പോലും ലജ്ജിക്കേണ്ടി വരുമായിരുന്നല്ലോ!
കത്തോലിക്കാസഭയും, ഹിറ്റ്‌ലറുടെ നാസി ജര്‍മ്മനിയുമൊക്കെ ചരിത്രത്തില്‍ നിന്നും ഒരിക്കലും മായാതെ മറയാതെ നില്‍ക്കുന്ന ‘പുസ്തകം കത്തിക്കല്‍’ വിദഗ്ദ്ധരാണു്. അവര്‍ക്കൊപ്പം തല ഉയര്‍ത്തിനില്‍ക്കാന്‍ കഴിയുന്നതില്‍ ‘പുസ്തകം കത്തിക്കലില്‍’ പങ്കുചേരുന്ന കേരളത്തിലെ ആത്മീയകുഞ്ഞാടുകളും, ഗാന്ധി-നെഹ്രു-കോണ്‍ഗ്രസ്സും, മുസ്ലീം-ലീഗ്‌ ചങ്ങാതിമാരും അടക്കമുള്ള സകല ‘സാമൂഹികപരിഷ്കര്‍ത്താക്കള്‍ക്കും’ തീര്‍ച്ചയായും അഭിമാനിക്കാം!
‘കത്തിക്കല്‍’ ഇന്നോളം ഒരു പരിഹാരമായിരുന്നില്ല. പക്ഷേ, അതറിയണമെങ്കിലും എന്തെങ്കിലുമൊക്കെ വായിച്ചിരിക്കണമല്ലോ. main hobby ആയ പ്രത്യുത്പാദനത്തിനുശേഷം, വല്ലപ്പോഴും സമയം കിട്ടിയാല്‍ ‘നന്മനിറഞ്ഞ മറിയം – ഉറക്കക്കഷായം’ കൊന്തമാല മേമ്പൊടി ചേര്‍ത്തു് സേവിക്കുന്നവര്‍ക്കെവിടെ പുസ്തകം വായിക്കാന്‍ നേരം? ഇനി, അഥവാ അബദ്ധത്തിലെങ്ങാനും ഒരു പുസ്തകം വായിക്കുന്നുണ്ടെങ്കില്‍ത്തന്നെ, അതു് ‘മുലച്ചിപ്പശു കുമ്പസാരക്കൂട്ടില്‍’ എന്ന വിശ്വസാഹിത്യത്തിലെ classic ആയിരിക്കും താനും!
Advertisements
 

മുദ്രകള്‍: ,

ഒരു മറുപടി കൊടുക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out / മാറ്റുക )

Twitter picture

You are commenting using your Twitter account. Log Out / മാറ്റുക )

Facebook photo

You are commenting using your Facebook account. Log Out / മാറ്റുക )

Google+ photo

You are commenting using your Google+ account. Log Out / മാറ്റുക )

 
%d bloggers like this: